Evra kapet mat me një bionde
Patris Evra, lojtari i Mançester Junajtid, merr një puthje nga një bionde shumë simpatike rreth orës 02:00 të mëngjesit, në një hotel jo shumë luksoz. Mbrojtësi i martuar francez u kap nga kamerat e sigurisë së hotelit që ndodhet rreth 24 kilometra larg shtëpisë ku banon në çeshajër më datën 8 shkurt. Imazhet tregonin yllin e “Djajve të Kuq” duke bërë shaka me femrën, e cila më pas u afrua dhe e puthi në faqe, ndërkohë që po prisnin ashensorin. Evra, babai i një fëmije, i cili mbajti shiritin e kapitenit në fitoren që Junajtid arriti në finalen e “Carling Cup” në stadiumin “Uembli” u pa në shoqërinë e femrës misterioze në orën 01.43 të mëngjesit. Ai parkoi makinën jashtë hotelit, ndërkohë që bukuroshja pagoi dhomën me kartën e saj të kreditit. Vajza u kthye te makina e parkuar, ndërsa më pas rihyri në hotel, e ndjekur nga futbollisti milioner që tentonte të fshihej poshtë kapuçit të bluzës. Dymbëdhjetë sekonda më pas, Evra, i martuar me Sandrën dhe babi i 4-vjeçarit Leni, iu drejtua ashensorëve me bionden, me të cilën bënte shaka dhe qeshte. Ndërsa prisnin, vajza e puthi në faqe, pa e imagjinuar se po filmohej nga kamerat e brendshme të hotelit.
Të premten, lojtari i përfaqësueses franceze pranoi se ai ishte personi i paraqitur në pamjet filmike, megjithatë nuk pranoi që të tregonte arsyen përse ndodhej në hotelin 24 kilometra larg shtëpisë, në orët e para të mëngjesit. I veshur me një bluzë ngjyrë vjollcë, ai foli nga xhami i makinës tip fuoristradë, përpara se të nisej për stërvitjen nën urdhrat e trajnerit Sër Aleks Ferguson. Fillimisht Evra u shfaq i hutuar, por pasi studioi videon ai tha: “Po, në pamje jam unë. Mendoj se nuk e kam të ndaluar që t’i flisja kësaj femre, megjithatë ishte thjesht një rastësi që ndodheshim në të njëjtin hotel”. I pyetur përse biondja e puthi, 28-vjeçari shtoi: “Nuk e kam takuar asnjëherë më parë”, më pas mbylli xhamin dhe u largua me automjetin e tij. Gjithsesi, në hotel kishte persona të cilët e njohën lehtë futbollistin. Njëri prej tyre tha: “Nuk arrija ta besoja. U habitëm, sepse në një orë të pazakonshme ngritëm kokat dhe pamë një bukuroshe që prenotoi një dhomë, ajo ishte e veshur mirë dhe dukej si modele. Më pas në hotel hyri dikush i veshur me kapuç që e ndoqi vajzën pas, por nuk e patëm të vështirë ta njihnim. Po bëhesha gati t’i kërkoja një autograf, por ai shkoi menjëherë drejt ashensorit. Hoteli nuk ishte luksoz apo i njohur e për këtë arsye ishte e çuditshme të shikoje që një lojtar i Junajtid vjen aty në orët e para të mëngjesit”. Ngjarja ka ndodhur 25 minuta larg shtëpisë së Evrasë, i cili e ka njohur bashkëshorten Sandra në gjimnaz, për një lidhje që zgjat prej mbi 15 vjetësh.
#