FBI arrestime të tjera, në pranga 10 kriminelë të kërkuar

Pas eleminimit të Osama bin Ladenit, autoritetet amerikane kanë ndaluar edhe dhe një nga 10 më të kërkuarit në listën e kriminelëve të FBI. Bëhet fjalë për Xhejms “Uajti” Bulger, nga Bostoni, i cili qëndronte i fshehur prej 16 vitesh. 81-vjeçari Bulger, i kërkuar për një numër të madh krimesh, duke përfshirë dhe pjesëmarrjen e tij të dyshuar në 19 vrasje, është arrestuar në shtëpinë e tij në Santa Monika, shtet i Kalifornisë. Me të, ka qenë dhe mikesha e tij 60-të vjeçare Katrin Grejg, me të cilën jetonte prej shumë kohësh. Arrestimi ka kaluar pa incidente dhe erdhi si rezultat i informacionit të marrë në rrugë operative. "Uajti" ishte udhëheqësi i bandës nga Uintër Hill dhe u tërhoq gjatë janarit të vitit 1995, pasi u paralajmërua nga një ish-agjent i FBI-së nga Bostoni. Xhon Konëli rekrutoi Bulgerin 20 vjet më parë si informator të FBI-së dhe e shndërroi në një nga burimet më të rëndësishme të saj. Më vonë u raportua se personi në fjalë në fakt, i drejtonte agjentët kundër konkurentit të tij kryesor - mafias nga Anglia e Re. FBI për vite me radhë duhej të përballej me kritika, se qëllimisht nuk përpiqej të zbulonte vendndodhjen e Bulger, veçanërisht pasi në fundin e viteve 90-të u zbulua se sa të afërta kanë qenë marrëdhëniet e zyrës së FBI-së me një kriminel të shumëkërkuar. Historia u bë shkak për disa libra dhe frymëzoi Martin Skorseze të realizonte edhe një film me këtë temë.