Falja, në bazë të strategjisë së MASH

Një ndër argumentet që jep Drejtoria Rajonale Arsimore është se vendimi për futjen në provime të nxënësve të përjashtuar nga shkolla bazohet edhe në strategjinë e Ministrisë së Arsimit dhe Shkencës për “braktisjen zero” të arsimit. Sipas drejtorisë, shkolla e mesme e Lozhanit nuk ka bërë sa duhet për të shmangur braktisjen. Por drejtuesit e kësaj shkolle thonë se, edhe po të ishte e vërtetë që ata nuk kanë bërë sa duhet për të afruar nxënësit me shkollën, kjo nuk justifikon futjen në provimet e maturës të atyre nxënësve që nuk kanë realizuar programin mësimor.