Fantazma në muzeun e Napolit?

Fillimisht alarmi lëshohet prej disa punëtorëve, që punonin në Muzeun Arkeologjik në Napoli: ”Në këtë vend ndodhin gjëra të çuditshme, objekte që lëvizin, kova që gjenden bosh”.

E më pas, një foto dëshmon se në Muzeun Arkeologjik në Napoli ka fantazma. Por arkitekti Oreste Albara, përgjegjës për muzeun nuk besonte në fantazmat.

Pas stresit dhe alarmit të lëshuar nga punëtorët, ai shkon personalisht në Muze.

Albara ka bërë disa fotografi me telefonin e tij celular dhe ja “befasia”: në sfond silueta e një vajze të vogël.

Tashmë disa ekspertë, profesorë universiteti, duhet të arrijnë në Napoli në shtator, në përpjekje për të zgjidhur enigmën në fjalë.