Favre në Moenchengladbach
Nga Express më 14 shkurt 2011 në ora 18:10
Borussia Moenchengladbach ka emëruar Lucien Favren për trajner të ri, një ditë pas shkarkimit të Michael Frontzeckut.
Frontzeck ishte liruar nga detyra e tij të dielën pas humbjes 3-1 në St.Pauli, që la ekipin shtatë pikë larg mbijetesës në Bundesligë.
Favre më parë kishte qenë në drejtim të Hertha Berlinit, ekip të cilin e udhëhoqi drejt pozitës së katërt në Bundesligë më 2009. Ai ishte shkarkuar në shtator 2009, pas gjashtë humbjeve të njëpasnjëshme në sezonin e ardhshëm.