"Fazliç", prokuroria apelon vendimin

Prokuroria e Tiranës i
është drejtuar Gjykatës
së Apelit, për të
kundërshtuar vendimin
e Gjykatës së Tiranës,
e cila shfuqizoi vendimin
e sekuestrove ndaj
pronave të biznesmenit
boshnjak, Damir
Fazliç. Ankimimi është
dorëzuar në Gjykatën e
Apelit, gjatë javës së
kaluar. Prokurorët e
çështjes e kanë cilësuar
vendimin e gjyqtarit
Dritan Broci të
marrë në 31 dhjetor
2008 si të paargumentuar
dhe që ka cenuar
edhe çështjen në
themel, pasi në vendim
gjyqtari është shprehur
që edhe hetimi ndaj
Fazliç është i
paligjshëm. Sakaq,
paralelisht me betejën
për pronat, prokuroria
po vazhdon hetimet
ndaj biznesmenit
boshnjak për akuzën e
pastrimit të parave. Aktualisht,
grupi i hetimit
është në pritje të
përgjigjeve të letër-porosive
të dërguara autoriteteve
qipriote,
boshnjake dhe britanike,
mbi aktivitetet e
Damir Fazliç në këto
vende.