Fazllic, Dhoma e Tregtise denon sekuestrimin e pronave

Dhoma e Tregtise dhe e Industrise Tirane, nepermjet nje deklarate per shtyp, denoncon sipas saj veprimet arbitrare dhe me pasoja te prokuroreve qe po hetojne per pronat e biznesmenit boshnjak Damir Fazllic.

Ne deklarate thuhet se ne ngutje e siper prokuroret Besnik Cani dhe Dritan Reshka kane urdheruar edhe bllokimet e llogarive dhe pasurive te bizneseve te tjera qe sipas Dhomes se Tregtise, nuk kane asnje lidhje me kete ceshtje.

Si rezultat eshte urdheruar ne menyre abuzive me vendimin e Prokurorise se Tiranes i dates 09.10.2008 dhe me numer protokolli 6093 bllokimi i llogarive bankare te kompanise “Global Construction” sh.a dhe asetet e kompanise “Megatek” sh.a. qe sipas Dhomes se Tregtise po sjelle deme te konsiderueshme materiale dhe morale per keto dy biznese.

“Dhoma e Tregtise e Tiranes - thuhet ne deklarate - i kerkon Prokurorise se Tiranes te zhbllokoje kete situate te cilen ne e konsiderojme absurde dhe te heqe sa me pare sekuestron per keto dy kompani pasi me kete veprim cenohet rende klima e biznesit dhe garancia e investitoreve vendas”.