Femrat, vleresim per rritjen e tyre ne Kuvend

Vezhguesit e OSBE/ODIHR-it, ndonese vleresuan rritjen e pjesemarrjes se grave ne politike, sugjeruan ndryshimin e Kodit Zgjedhor, ne menyre qe pjesemarrja e tyre te arrije ne kuoten 30%. Ne raportin perfundimtar te misionit vezhgues te OSBE/ODIHR, theksohet se femrat, ne pergjithesi jane te nen perfaqesuara ne politiken shqiptare, ndaj duhet te ekuilibrohet barazia gjinore. Ne raport pergezohet fakti se keto zgjedhje sjellin ndryshime ne perfaqesimin e grave ne Kuvend. Ne parlamentin e ri, u zgjodhen 23 gra, duke e cuar ne 16.4% perfaqesimin e tyre ne Kuvend. Por ne raport, sugjerohet qe te zbatohet ligji per barazine gjinore, qe percakton se 30% e perberjes se Kuvendit, duhet te jene femra. Sipas vezhguesve, teorikisht, listat e kandidateve per deputet, kishin 30% kandidate femra, por ato qe fituan nuk ishin kaq. Mungese te perfaqesimit te grave sipas vezhguesve, kishte edhe ne komisionet e administrates zgjedhore. Ne raport thuhet se Partia Socialiste, fillimisht nuk permbushi kerkesen qe ne cdo liste te sjelle, perfshire edhe ate per komisioneret, 30% te tyre te ishin femra. "Ne qendrat e votimit e vezhguara diten e zgjedhjeve, grate perbenin vetem 16 per qind e anetareve te KQV-ve dhe per 14 per qind per kryetaret e KQV-ve", kritikuan vezhguesit, duke propozuar edhe ndryshim te Kodit Zgjedhor ne menyre qe shifra te tilla te shkojne ne masen 30%, sic e kerkon ligji per barazine gjinore.