Fillon takimi ndërmjet KFOR-it dhe strukturave paralele

Burime të Kosovapress-it bëjnë të ditur se  rreth orës 15:00 ka filluar takimi mes komandantit të KFOR-it, Erhard Drevs dhe shefit të EULEX-it, Ksavier de Marnak, me kryetarët paralelë të katër komunave veriore.

Sipas këtyre burimeve, takimi po mbahet në “shtëpinë” e BE-së në veri të Mitrovicës, ndërsa temë e diskutimeve do të jetë heqja e barrikadave nga rrugët në veri.

KFOR-i ka nisur gjatë orëve të natës së kaluar një aksion për heqjen e barrikadave, por është twrhequr pasi grupime tw mwdha serbwsh janë mbledhur pranë barrikadave dhe janë ngritur në shenjë kundërshtimi ndaj vendosjes së rendit dhe ligjit në veri të Kosovës