Filmi “Queen to Play” hap garën e TIFF

Me filmin “Queen to Play” hapet sot edicioni i tete i Tirana International Film Festival, i cili kete vit zhvillohet ne ambientet e Qendres se Kultures, Medias dhe Botimeve te Mbrojtjes dhe ne sallen e re te Arkivit Shteteror te Filmit. Pergjate gjashte diteve, Tirana International Film Festival (13-18 dhjetor) do te sjelle per publikun prodhimtarine me te fundit kinematografike ne gjinine e filmit te gjate artistik, te shkurter, eksperimental, dokumentar dhe te animuar. Filmat vijne nga te katerta anet e globit, qe nga Afganistani ne Argjentine, Gjermani, Egjipt, Angli, Nigeri, Pakistan, Shtetet e Bashkuara te Amerikes, etj. Pas ceremonise se hapjes se festivalit dhe shfaqjes se filmit 8-minutesh ne konkurrim “You Should Make Movies”, dita e pare e festivalit do te vijoje me filmin “Queen to Play”, qe mban per producent Jean-Philippe Laroche, i cili do te jete i pranishem ne Tirane, jo vetem per te prezantuar filmin e tij te ri, por per te marre pjese ne homazhin kushtuar regjisorit dhe aktorit francez Claude Chabbrol, i ndare nga jeta nje vit me pare. Filmi “Queen to Play”, 97 minuta, prodhim franko-gjerman, vjen nen regjine e Caroline Bottaro, ku interpretojne Sandrine Bonnaire, Kevin Kline dhe Jennifer Beals. Te tjere te ftuar ne festival jane inxhinieri i zerit Jean-Bernard Thomasson, bashkepunetor ne 13 filma me Claude Chabbrol, regjisori spanjoll Juanma Bajo Ulloa, autor i filmave “Airbag” dhe “La madre muerta”, si dhe regjisori serb Boris Mitiæ. Festivali organizohet nga Albania Art Institute dhe Ska-Ndal Film Production, me financimin e Qendres Kombetare te Kinematografise.