Fiorentina trondit Romën, sgabon Juve
Nuk ka ndryshuar asgjë në Seria A, sa i përket lutës për titull edhe pas javës së 34 të ndeshjeve. Juventus dhe Milan kanë shënuar fitore për të marrë nga tri pikë të reja dhe për të vazhduar ende garën për titull, kur kanë mbetur edhe katër javë deri në fund të kampionatit. Të dyja skuadrat kanë fituar me vështirësi. Juventus ka mposhtur Çesenën 1-0, me golin e Borielos, ndërsa po ashtu me një gol të Boateng në minutat e fundit të ndeshjes Milan e ka mposhtur Xhenoan. Surpriza ka ardhur nga Fiorentina, e cila ka thelluar krizën e Romës duke e mposhtur skuadrën romake në Olimpiko me rezultatin 2 me 1. Fiorentina kaloi në epërsi në minutën e 2-të të ndeshjes me Jovetiç, por Roma gjeti golin e barazimit në minutën e 70-të me anë të Totit. Në minutat shtesë të takimit, Roma pësoi edhe golin e nokautit, kur Lazari shënoi për Fiorentinën. Humbjen e Romës e ka shfrytëzuar Napoli, duke shënuar fitore ndaj Leçes me rezultat 0 me 2. Napoli tani ngjitet në pozitën e 4 me 54 pikë, ndërsa Roma zbret në të 7-ten me 50 pikë. Rikthimi i Shnajder nga dëmtimi ka bërë që skuadra e Interit të shënojë fitore të madhe përball skuadrës rivale për një vend në garat evropiane, Udinese. Dopieta e holandezi dhe Alavarez i dhanë fitoren zikaltërve.
Serie A
Novara-Lacio 2-1
Diakite 5 (autg), Maskara 79/ Kandreva 37
Roma-Fiorentina 1-2
Toti 71/ Jovetiç 2, Laxari 90
Leçe-Napoli 0-2
Hamshik 5, Kavani 51
Palermo-Parma 1-2
Hernandez 6/ Çuka 55, Biabiani 70
Siena-Bolonja 1-1
Destro 52/ Diamanti 69
Udinese-Inter 1-3
Danilo 6/ Shnaijder 10, 28, Alvarez 38
Milan-Xhenoa 1-0
Boateng 86
Çesena-Juventus 0-1
Borrielo 80
Renditja
Nr. Ekipi P ND
1. Juventus 74 34
2. Milan 71 34
3. Lazio 55 34
4. Napoli 54 34
5. Udinese 52 34
6. Inter 52 34
7. Roma 50 34
8. Katania 46 34
9. Parma 44 34
10. Siena 43 34
11. Atalanta 43 34
12. Kievo 43 34
13. Bolonja 42 34
14. Fiorentina 41 34
15. Palermo 41 34
16. Kaljari 41 34
17. Xhenoa 36 34
18. Leçe 35 34
19. Novara 28 34
20. Çesena 22 34