Firma sllovene punime të avashta
06/07/2009 Kanë mbetur 10 muaj nga afati, vetëm 25 për qind e projektit. Angazhohen specialistët
DURRES- Vetëm 10 muaj kohë i ka mbetur kompanisë që ka fituar të drejtën e ndërtimit të terminalit të udhëtarëve në portin e Durrësit për të mbyllur investimin. Firma sllovene SCT d ka nisur të ndërtojë kantierin në muajin qershor të vitit 2008 dhe sipas kontratës punimet duhet të mbyllen në mesin e pranverës së vitit 2010.
Ritme të ngadalta
Por deri tani punimet kanë ecur me ritme të ngadalta dhe sipas pohimeve nga firma mësohet se një gjë e tillë ka ndodhur ngase në projekt nuk janë parashikuar disa nga zërat e rëndësishëm. Në të tilla kushte kompania është detyruar të ulë tempin e punës dhe paralelisht të presë edhe një përgjigje. Terminali i pasagjerëve është pjesë e investimit nga ana e Bankës Evropiane të Investimeve dhe BERZH në saje të kredisë së akorduar qeverisë shqiptare. Punimet për ndërtimin e terminalit janë marrë përsipër të zbatohen nga firma sllovene SCT d.d, e cila fitoi tenderin me një vlerë prej 15.2 milionë euro. Tenderi i fituar nga firma sllovene, e njohur dhe me përvojë të konsideruar i ka kursyer shtetit shqiptar afro 7 milionë euro, pasi fondi limit për këtë projekt është llogaritur në 22 milionë euro. Afati i punimeve është 22 muaj gjithsej, ndërkohë që presidenti i firmës sllovene Ivan Znedar ka premtuar se punimet për ndërtimin e terminalit do të përfundojnë brenda afatit të caktuar. Në bazë të kontratës së lidhur punimet duhet të përfundojnë më 17 prill të vitit 2010, por përfaqësues të qeverisë shqiptare i kanë kërkuar firmës sllovene që ta mbarojë terminalin disa muaj para. Për shkak të klimës shumë të favorshme Durrësi afron lehtësi për të punuar në 12 muajt e vitit duke i dhënë mundësi kompanisë së huaj ta mbyllë para kohe projektin e madh. Firma sllovene SCT d ka përqendruar prej dy javësh numrin e duhur të mjeteve dhe specialistëve për të përmbyllur në kohë investimin ndër më të mëdhenjtë në portin e Durrësit. Në ndryshim nga deri më tani, kompanisë sllovene do i duhet të rrisë tempin e punës për të kapur kohën e “humbur”. Deri më tani punimet nuk kanë kapur ende 25 për qind të të gjithë procesit deri në përmbyllje, por koha e mbetur mund të vërë në lëvizje të gjithë makinerinë e firmës SCT d në realizimin e kontratës. Që nga koha e ndërtimit të kantierit këtu e 18 muaj më parë është bërë e mundur vetëm ana e zbatimit të rrjetit inxhinierik nëntokësor si dhe hapja e themeleve e ndërtimi i kolonave të terminalit të udhëtarëve. Sot në këtë pikë të hyrjes e daljes nuk afrohen as shërbimet më të domosdoshme si uji i pijshëm, bare, kënde, pritje e pushimi, restorante, parking etj.
PROJEKTI
Projekti parashikon ndërtimin e një terminali modern, me një sipërfaqe mbi 5 mijë metër katror dhe do të përfshijë të gjitha ambientet e nevojshme për shërbimin dhe kontrollin e pasagjerëve, sallat e pritjes, pikat e shitjes së biletave dhe agjencitë e udhëtimit, pikat e kontrollit doganor, etj. Ky terminal do të sigurojë lëvizjen komode dhe me shpejtësi të pasagjerëve, veçanërisht në periudhën e mbingarkuar të verës. Ai do të ketë një kapacitet përpunimi të menjëhershëm për rreth 2 mijë pasagjerë, me një parkim për rreth 2 mijë automjete. Krahas ndërtimit të terminalit të pasagjerëve dhe godinave të tjera ndihmëse të shërbimit doganor dhe të sigurisë, parashikohen edhe punimet për ndërtimin e shesheve e rrugëve lidhëse në zonën e operimit të trageteve. Me përfundimin e terminalit të ri të udhëtarëve porti i Durrësit do të ofrojë standarde të plota dhe bashkëkohore për të gjithë shtetasit që hynë e dalin nga ky port. Projekti që po zbatohet afron shërbime të standardeve evropiane dhe kjo do të ndikojë në rritjen e ndjeshme të qarkullimit të udhëtarëve. Madje thuhet se kjo do të ndikojë në thithjen edhe të qarkullimit të njerëzve dhe mallrave të vendeve nga Ballkani për në Perëndim.
DURRES- Vetëm 10 muaj kohë i ka mbetur kompanisë që ka fituar të drejtën e ndërtimit të terminalit të udhëtarëve në portin e Durrësit për të mbyllur investimin. Firma sllovene SCT d ka nisur të ndërtojë kantierin në muajin qershor të vitit 2008 dhe sipas kontratës punimet duhet të mbyllen në mesin e pranverës së vitit 2010.
Ritme të ngadalta
Por deri tani punimet kanë ecur me ritme të ngadalta dhe sipas pohimeve nga firma mësohet se një gjë e tillë ka ndodhur ngase në projekt nuk janë parashikuar disa nga zërat e rëndësishëm. Në të tilla kushte kompania është detyruar të ulë tempin e punës dhe paralelisht të presë edhe një përgjigje. Terminali i pasagjerëve është pjesë e investimit nga ana e Bankës Evropiane të Investimeve dhe BERZH në saje të kredisë së akorduar qeverisë shqiptare. Punimet për ndërtimin e terminalit janë marrë përsipër të zbatohen nga firma sllovene SCT d.d, e cila fitoi tenderin me një vlerë prej 15.2 milionë euro. Tenderi i fituar nga firma sllovene, e njohur dhe me përvojë të konsideruar i ka kursyer shtetit shqiptar afro 7 milionë euro, pasi fondi limit për këtë projekt është llogaritur në 22 milionë euro. Afati i punimeve është 22 muaj gjithsej, ndërkohë që presidenti i firmës sllovene Ivan Znedar ka premtuar se punimet për ndërtimin e terminalit do të përfundojnë brenda afatit të caktuar. Në bazë të kontratës së lidhur punimet duhet të përfundojnë më 17 prill të vitit 2010, por përfaqësues të qeverisë shqiptare i kanë kërkuar firmës sllovene që ta mbarojë terminalin disa muaj para. Për shkak të klimës shumë të favorshme Durrësi afron lehtësi për të punuar në 12 muajt e vitit duke i dhënë mundësi kompanisë së huaj ta mbyllë para kohe projektin e madh. Firma sllovene SCT d ka përqendruar prej dy javësh numrin e duhur të mjeteve dhe specialistëve për të përmbyllur në kohë investimin ndër më të mëdhenjtë në portin e Durrësit. Në ndryshim nga deri më tani, kompanisë sllovene do i duhet të rrisë tempin e punës për të kapur kohën e “humbur”. Deri më tani punimet nuk kanë kapur ende 25 për qind të të gjithë procesit deri në përmbyllje, por koha e mbetur mund të vërë në lëvizje të gjithë makinerinë e firmës SCT d në realizimin e kontratës. Që nga koha e ndërtimit të kantierit këtu e 18 muaj më parë është bërë e mundur vetëm ana e zbatimit të rrjetit inxhinierik nëntokësor si dhe hapja e themeleve e ndërtimi i kolonave të terminalit të udhëtarëve. Sot në këtë pikë të hyrjes e daljes nuk afrohen as shërbimet më të domosdoshme si uji i pijshëm, bare, kënde, pritje e pushimi, restorante, parking etj.
PROJEKTI
Projekti parashikon ndërtimin e një terminali modern, me një sipërfaqe mbi 5 mijë metër katror dhe do të përfshijë të gjitha ambientet e nevojshme për shërbimin dhe kontrollin e pasagjerëve, sallat e pritjes, pikat e shitjes së biletave dhe agjencitë e udhëtimit, pikat e kontrollit doganor, etj. Ky terminal do të sigurojë lëvizjen komode dhe me shpejtësi të pasagjerëve, veçanërisht në periudhën e mbingarkuar të verës. Ai do të ketë një kapacitet përpunimi të menjëhershëm për rreth 2 mijë pasagjerë, me një parkim për rreth 2 mijë automjete. Krahas ndërtimit të terminalit të pasagjerëve dhe godinave të tjera ndihmëse të shërbimit doganor dhe të sigurisë, parashikohen edhe punimet për ndërtimin e shesheve e rrugëve lidhëse në zonën e operimit të trageteve. Me përfundimin e terminalit të ri të udhëtarëve porti i Durrësit do të ofrojë standarde të plota dhe bashkëkohore për të gjithë shtetasit që hynë e dalin nga ky port. Projekti që po zbatohet afron shërbime të standardeve evropiane dhe kjo do të ndikojë në rritjen e ndjeshme të qarkullimit të udhëtarëve. Madje thuhet se kjo do të ndikojë në thithjen edhe të qarkullimit të njerëzve dhe mallrave të vendeve nga Ballkani për në Perëndim.