Fluks e kaos ne Portin e Durrësit
Porti i Durrësit është përfshirë nga kaosi, pas fluksit te madh te pasagjereve qe hyjnë ne vendin tone. Vetëm mëngjesin e se hënës kane zbarkuar 6 mije persona, çka ka sjelle probleme e vonesa te shumta. Duke qene se ende nuk ka përfunduar terminali i ri, autoritetet portuale dhe policia kufitare nuk kane lejuar zbritjen nga trageti te pasagjereve deri ne kalimin e personit te fundit ne sportel. Për shkak te mungesës se informacionit dhe kthimit masiv te qytetareve, sidomos nga kufiri me Greqinë, duket se liberalizimi i vizave me shume ka ndikuar për ardhjen e emigranteve qe kane jetuar pa dokumente te rregullta ne shtetet fqinje. Edhe pse policia kufitare e Durrësit ka punuar me te paktën 10 sportele ne hyrje, serish nuk janë shmangur radhët e gjata. Në portin e Durrësit aktualisht funksionojnë linjat me Barin, Ankonen dhe Triesten. Ndërkohë terminali i ri i pasagjereve, qe parashikohej te vihej ne funksion ne fund te vitit, është ende larg përfundimit. Për këtë projekt, qeveria shqiptare dhe Banka Botërore kane akorduar një fond prej 13 milion eurosh.
Shpërndaje