Fotoja e autorit të dyshuar të vrasjes së bankieres
Fotoja është marrë nga kamerat e sigurisë, por ka rezolucion të ulët. Policia e ka shpërndarë atë edhe për mediat.
Në bazë të të dhënave, personi është jo më i gjatë se 170 cm dhe jo më i madh se 30-vjeç. Kjo shton mundësinë për të gjetur autorin që dyshohet se ka vrarë edhe një argjendar në tetor të vitit të shkuar po në Tiranë, ngjarje e cila mbetet e pazbardhur ende për policinë. Megjithatë, policia edhe tek fotoja e nxjerrë nuk është plotësisht e sigurt se mund të jetë ai, megjithëse në momentin e krimit vetëm ky shtetas është parë duke vrapuar.
Pamja është siguruar nga kamerat e bizneseve aty pranë. Një ditë më parë, zyrtarisht policia bëri me dije se arma e përdorur në bankë ku u qëlluan dy shtetas, njëri prej të cilëve humbi jetën, ishte e njëjtë me armën e përdorur më 21 tetor për vrasjen e argjendarit Rrapo Sinanaj.
"Në lidhje me tentativën për vjedhje me armë të filialit të ‘NBG Bank’ pranë sheshit “Shtraus”, ku mbeti i plagosur roja Skënder Elmazi, si dhe u plagos duke gjetur vdekjen në spital punonjësja Leonora Kaloçi, është një grup i posaçëm hetimor dhe po punohet intensivisht për identifikimin dhe kapjen e autorëve të kësaj ngjarjeje të rëndë kriminale. Nga zhvillimi i deritanishëm i hetimeve, rezulton se nga ekzaminimi kriminalistik–balistik i gëzhojave të gjetura në vendin e ngjarjes, arma e përdorur në ngjarjen e së martës është përdorur edhe në vjedhjen me armë të argjendarisë me pasojë vdekjen e pronarit Rrapo Sinanaj, ngjarje e ndodhur në Tiranë më 21 tetor 2011", thuhej në komunikatën e policisë të shpërndarë pasditen e së mërkurës.
Gjatë këtyre ditëve, policia ka shoqëruar dhjetëra të rinj, por ende nuk ka një të dyshuar kryesor. Ngjarja ku humbi jetën arkëtarja e bankës, Leonora Kaloçi, nënë e dy fëmijëve ndodhi rreth orës 15:00 të martës në filialin e një banke në Tiranë, teksa nga ngjarja mbeti i plagosur rëndë edhe roja i sigurisë. /S.Ll/Start/
2012-03-29 16:09
Në bazë të të dhënave, personi është jo më i gjatë se 170 cm dhe jo më i madh se 30-vjeç. Kjo shton mundësinë për të gjetur autorin që dyshohet se ka vrarë edhe një argjendar në tetor të vitit të shkuar po në Tiranë, ngjarje e cila mbetet e pazbardhur ende për policinë. Megjithatë, policia edhe tek fotoja e nxjerrë nuk është plotësisht e sigurt se mund të jetë ai, megjithëse në momentin e krimit vetëm ky shtetas është parë duke vrapuar.
Pamja është siguruar nga kamerat e bizneseve aty pranë. Një ditë më parë, zyrtarisht policia bëri me dije se arma e përdorur në bankë ku u qëlluan dy shtetas, njëri prej të cilëve humbi jetën, ishte e njëjtë me armën e përdorur më 21 tetor për vrasjen e argjendarit Rrapo Sinanaj.
"Në lidhje me tentativën për vjedhje me armë të filialit të ‘NBG Bank’ pranë sheshit “Shtraus”, ku mbeti i plagosur roja Skënder Elmazi, si dhe u plagos duke gjetur vdekjen në spital punonjësja Leonora Kaloçi, është një grup i posaçëm hetimor dhe po punohet intensivisht për identifikimin dhe kapjen e autorëve të kësaj ngjarjeje të rëndë kriminale. Nga zhvillimi i deritanishëm i hetimeve, rezulton se nga ekzaminimi kriminalistik–balistik i gëzhojave të gjetura në vendin e ngjarjes, arma e përdorur në ngjarjen e së martës është përdorur edhe në vjedhjen me armë të argjendarisë me pasojë vdekjen e pronarit Rrapo Sinanaj, ngjarje e ndodhur në Tiranë më 21 tetor 2011", thuhej në komunikatën e policisë të shpërndarë pasditen e së mërkurës.
Gjatë këtyre ditëve, policia ka shoqëruar dhjetëra të rinj, por ende nuk ka një të dyshuar kryesor. Ngjarja ku humbi jetën arkëtarja e bankës, Leonora Kaloçi, nënë e dy fëmijëve ndodhi rreth orës 15:00 të martës në filialin e një banke në Tiranë, teksa nga ngjarja mbeti i plagosur rëndë edhe roja i sigurisë. /S.Ll/Start/
2012-03-29 16:09