Franca më e sigurt, vritet nga shkëmbimi i zjarrit terroristi Muhamed Merah

Presidenti francez, Nikolas Sarkozi, tha se Franca do ta penalizojë konsultimin e uebfaqeve që promovojnë terrorizmin ose urrejtjen dhe do të ashpërsojë aksionet ndaj njerëzve që dalin jashtë shtetit në emër të doktrinës ideologjike

Rrethimi i përgjegjësit për krimet terroriste ne Francë ka përfunduar me vdekjen e autorit, Mohammed Merah. Ky i fundit është vrarë pasi ka hapur zjarr ndaj forcave të policisë franceze. Sipas prokurorit të Parisit, Francois Molins, rrjedhja kronologjike e ngjarjeve ka ndodhur kështu: Forcat speciale franceze RIAD bastisën banesën e terroristit, ndërkohë që ky i fundit kishte hyrë në banjo për t’u arratisur nga dritarja. Pasi ka dëgjuar zhurmat e forcave speciale ai ka hapur zjarr ndaj tyre duke lëvizur për t’u hedhur jashtë dritares, ku është hasur nga syri dhe tyta e mprehte e një snajperit i cili e ka qëlluar kokë, duke i dhënë kështu fund një rrethimi policor prej 31 orësh. Dy policë janë plagosur gjatë këtij operacioni. Merah-ut i kishin mbetur vetëm dy plumba në armë e tij kur u vra e kishte veshur një jelek antiplumb. Mohamed Merah, 23, ishte i kërkuar për vrasjen e tre paratrupave francezë dhe tre studentëve në një shollë hebraike në Tuluzë, në një varg të shtënave që filluan më 11 mars. Policia gjeti regjistrimet e video-ve të sulmeve të kapura nga ai vetë, municione dhe përbërës eksplozivi. Sipas ministrit të Brendshëm francez, Merah fillimisht kishte thënë se  do të dorëzohej në polici,  por më vonë u zotua se do të rezistonte dhe se do t’i vriste të gjithë ata që do të përpiqeshin ta arrestonin. Z. Gueant theksoi se policia ishte urdhëruar që ta kapnin të gjallë, pasi prioritet ishte “dorëzimi i tij tek autoritet”. Ndërkohë, vetë Merah kishte thënë më herët se dëshironte të "vdiste me armë në duart e tij", tha zëdhënësi i Ministrisë së Brendshme, Pierre-Henry Brandet.  Pas vdekjes së Merah-së, presidenti francez Nikolas Sarkozi tha se ishte bërë gjithçka për ta sjellë atë para drejtësisë të gjallë, por, theksoi ai, forcat e sigurisë nuk mund të ekspozoheshin ndaj një rreziku të madh që sillte arrestimi i gjallë i tij, pasi shumë jeta ishin humbur tashmë.  Presidenti Nikolas Sarkozi tha se Franca do ta penalizojë konsultimin e uebfaqeve që promovojnë terrorizmin ose urrejtjen dhe do të ashpërsojë aksionet ndaj njerëzve që dalin jashtë shtetit në emër të doktrinës ideologjike. “Që nga tani, secili person që vazhdimisht konsulton uebfaqet që bëjnë thirrje për terrorizëm ose që bëjnë thirrje për dhunë dhe urrejtje do të dënohen penalisht”, ka thënë Sarkozi gjatë një adresimi televiziv. “Franca nuk do të tolerojë rekrutimin e dhunshëm ose indoktrinimin ideologjik në tokën e saj”, ka thënë Sarkozi, duke shtuar se do të zhvillohet një hetim për të parë nëse burgjet po përdoren për të propaganduar ekstremizmin në Francë. Ndërkaq, rivali politik i Sarkozisë për zgjedhjet presidenciale kandidati socialit, Francois Hollande, përgëzoi policinë dhe tha se Franca kishte treguar gjithmonë se "e di se si të ngrihen kundër armiqve të tij më të keq, pa humbur asnjë nga vlerat e saj". Gjatë rrethimit të tij, ai u ishte mburrur  negociatorëve të policisë se “e kam gjunjëzuar Francës dhe se ndjej keqardhje vetëm se nuk kam qene në gjendje të avancojë planin për të vrarë më shumë”. Ai kishte theksuar se ka vepruar në emër të Al-Kaedës dhe se i kishte vrarë tre ushtarët francezë javën e kaluar dhe katër njerëz në një shkollë hebraike në Tuluzë për t’u hakmarrë për vdekjen e fëmijëve palestinezë dhe për shkak të përfshirjes së ushtrisë franceze në Afganistan. Lidhur me përfshirjen e tij me Al-Kaedan , autoritet franceze kanë zbuluar prova qe e vërtetojnë këtë, duke hedhur poshtë pretendimet e disa mediave se ai ishte vetëshpallur përkrahës i organizatës famëkeqe terroriste. Prokurori i Parisit, Francois Molins tha se Merah ishte trajnuar me al Kaedën në rajonin e Vaziristanit në Pakistanit, në kufi me Afganistanin, dhe kishin shumë kaluar kohë në Afganistan. Christian Etelin, një avokat i cili e kishte përfaqësuar Merah në një çështje për një aksident trafiku, edhe tha Merah shkoi në Afganistan, dy vjet më parë. Pas vdekjes së tij, Etelin tha se Merah është dëmtuar psikologjikisht. "Ai doli fare jashtë realitet”, tha Etelin. Si arriti policia franceze tek Muhamedi Merah? Muhamed Merah lindi në Tuluzë, qytetar francez me origjinë nga Algjeria. I dyshuari i takonte një grupi të quajtur Forsane Alizza(Kalorësit e Lavdisë). Ky grup kishte lëshuar një paralajmërim terrorist në faqen e saj të Facebook-ut ku i bënte thirrje përkrahësve të saj që të sulmonin amerikanët, hebrenjtë dhe ushtarët francezë. Policia zbuloi të dyshuarin nëpërmjet adresës së IP-së të kompjuterik të vëllait të terroristit, i cili mesa duket e kishte përdorur për t’iu përgjigjur një reklamë postuar nga viktima e parë. Imad Ibn Ziaten, një ushtar me origjinë nga Afrika Veriore , kishte rregulluar mbajtjen e një takimi në Tuluzë, për t’i shitur skuterin që kishte reklamuar në internet Mehar-it, një takim nga i cili ushtari u vra më 11 mars. Katër ditë më vonë, dy ushtarë të tjerë u qëlluan për vdekje dhe një tjetër mbeti i plagosur nga një njëri që ishte mbi një skuter dhe me një kaskë të zezë, në një qendër tregtare në Montauban, rreth 50km larg Tuluzë-s. Në sulmin në shkollë private hebraike Ozar Hatorah, njeriu me skuter dhe me një kaskë të zezë u shfaq sërish, duke vrarë një mësuese dhe tre fëmijë, dy prej tyre të bijat e mësueses. Viktima tjetër, vajza e drejtorit të shkollës, u vra në sy të babait të sa . Në bazë të këtyre provave, si dhe pasi nga hetimi rezultoi se arma e krimit ishte e njëjtë filloi një kërkimin intensiv e cila rezultoi me rrethimin në banesën e tij të terroristit Mohamed Merah. Pesë vjet burg për postimet në internet/Në Gjermani, një gjykatë ka dënuar një person me prejardhje palestineze me pesë vjet burg për shkak të se ka mbështetur grupin militant islamik, Al Kaedën. Gjykata në qytetin e Koblenzit gjeti se Husam S. – emri i plotë i të cilit nuk është zbuluar në përputhje me ligjet gjermane të privatësisë- është fajtor për dy akuza se ka mbështetur një organizatë terroriste dhe e dënoi atë me dënimin maksimal në lidhje me këtë krim. Husam, 26 vjeçar, që emigroi në Gjermani në vitin 1990, është gjetur fajtor se ka postuar video, audio dhe tekste në internet, përmes të cilave mbështeste xhihadin e dhunshëm, apo luftën e shenjtë.