France, bankieret me bonus 1 miliarde euro

Ndonese nje nga arsyet e krizes financiare qe gjunjezoi gjithe boten, ishin bonuset e majme te bankiereve, duket se ne France keta te fundit nuk kane hequr dore kurre nga shperblimet. Sipas gazetes "Le Mond", 3.500 menaxheret bankare do te marrin shperblime prej 286 mije euro, totali i te ciles mblidhet deri ne nje miliarde euro. Nderkohe qe Britania, ka bere te ditur masa te forta per te vene nen kontroll bonuset e bankiereve.
Do te vendoset nje takse 50% mbi te gjitha pagesat mbi 40 mije dollare. Taksa do te paguhet nga bankat. Levizja pason kritika mbi bonuset e medha qe bankat planifikojne te japin ndersa marrin ndihme qeveritare. Bonuset e bankiereve, kane qene nje nga elementet me te ngarkuar politike pas krizes nderkombetare financiare. Bonuset e medha ishin ndoshta faktori me i rendesishem qe cuan ne krize duke inkurajuar hua dhe investime te rrezikshme financiare. Keshtu qe qeverite e vendeve te G20 rane dakord per masa qe kane si qellim te pakesojne iniciativen per ndermarrje te rreziqeve. Bankieret gjermane do te benin mire qe te ndiqnin shembullin e shefit te "Deutsche Bank", Ackermann dhe t'i harronin per kete vit bonuset dhe shperblimet e zakonshme. Kjo ka qene thirrja qe ministri gjerman i Financave, u ka bere krereve te institucioneve te medha financiare te vendit, te cilet pavaresisht situates se rende financiare, duket se nuk kane ndermend qe te heqin dore nga perfitimet.