Freizer: Serbia të mos bllokojë zhvillimin e Kosovës

PRAGE – “Njohja e Kosovës nuk është kusht për integrimet evropiane të Serbisë, por gjithsesi Serbia duhet të ketë marrëdhënie të mira fqinjësore dhe nuk duhet të bllokojë zhvillimin e mëtejshëm të Kosovës”, ka deklaruar Sabine Freizer, drejtore për Evropën në Grupin Ndërkombëtar të Krizave.

Në një intervistë për Radion Evropa e Lirë (në gjuhën serbe), Freizer ka thënë se duhet të gjendet një mënyrë që në të ardhmen, në forumet rajonale, në të njëjtën tavolinë të ulen përfaqësuesit nga Serbia dhe ata nga Kosova. Në muajin qershor të këtij viti, në Sarajevë, Spanja do të organizojë një samit të BE së dhe të vendeve të Ballkanit Perëndimor, dhe sipas saj, është shumë e rëndësishme që Serbia - si lider i rajonit - të jetë pjesë e këtij takimi.

(d.b/BalkanWeb)