Frika e mbytjes, bllokohet varka e dytë pas tragjedisë së Farkës
TIRANE - Sekuestrohet varka e dytë e lokalit të Afrim Dibrës në liqenin e Farkës, ku dy muaj më parë ndodhi tragjedia që shkaktoi 16 të vdekur.
Policia ka kryer sekuestrimin e varkës së mbetur me urdhër të Prokurorisë së rrethit, e cila i ka deleguar kryerjen e kësaj procedure uniformave blu për bllokimin e varkës. Bllokimi i mjetit të dytë lundrues të lokalit në pronësi të familjes Dibra, është bërë i ditur për gazetën “Panorama” nga burime të Prokurorisë së Tiranës. Sipas tyre, urdhri i nxjerrë në fund të javës së kaluar është ekzekutuar dje në mesditë nga policia. Kjo e fundit ka bllokuar varkën, duke e nxjerrë nga liqeni dhe duke e zhvendosur në ambientet e Komisariatit nr.1 në kryeqytet. Urdhri i bllokimit është arsyetuar nga Prokuroria me qëllim parandalimin e ndonjë fatkeqësie të mundshme të personave që mund të tentonin të udhëtonin me këtë varkë në liqenin e Farkës. Një kamion e ka transportuar varkën në drejtim të Komisariatit nr.1, ku duhet të qëndrojë e bllokuar. Pavarësisht urdhrit të sekuestros të nxjerrë nga organi i akuzës në kryeqytet, policia nuk e ka pasur fort të lehtë realizimin e këtij sekuestrimi. Veç transportit dhe nxjerrjes nga liqeni me vështirësi të varkës, policia ka pasur vështirësi në sistemimin e varkës. Kjo, pasi pika e bllokimit të mjeteve motorike dhe lundruese në Lundër është e mbushur dhe është mbi kapacitetet e saj. Po kështu edhe në Komisariatin e Policisë Rrugore nuk ka qenë e mundur, pasi edhe kjo pikë ka qenë e mbingarkuar nga mjetet e ndryshme të bllokuara. Në këto rrethana, blutë e Komisariatit nr.1 kanë vendosur ta lënë përkohësisht në ambientet e tyre varkën e lokalit të tragjedisë së 6 marsit të këtij viti në Tiranë. Varka, e cila shkaktoi tragjedinë në këtë liqen, është sekuestruar nga policia po me urdhër të Prokurorisë tri ditë pas ngjarjes dhe është bllokuar në Lundër. d.b
Policia ka kryer sekuestrimin e varkës së mbetur me urdhër të Prokurorisë së rrethit, e cila i ka deleguar kryerjen e kësaj procedure uniformave blu për bllokimin e varkës. Bllokimi i mjetit të dytë lundrues të lokalit në pronësi të familjes Dibra, është bërë i ditur për gazetën “Panorama” nga burime të Prokurorisë së Tiranës. Sipas tyre, urdhri i nxjerrë në fund të javës së kaluar është ekzekutuar dje në mesditë nga policia. Kjo e fundit ka bllokuar varkën, duke e nxjerrë nga liqeni dhe duke e zhvendosur në ambientet e Komisariatit nr.1 në kryeqytet. Urdhri i bllokimit është arsyetuar nga Prokuroria me qëllim parandalimin e ndonjë fatkeqësie të mundshme të personave që mund të tentonin të udhëtonin me këtë varkë në liqenin e Farkës. Një kamion e ka transportuar varkën në drejtim të Komisariatit nr.1, ku duhet të qëndrojë e bllokuar. Pavarësisht urdhrit të sekuestros të nxjerrë nga organi i akuzës në kryeqytet, policia nuk e ka pasur fort të lehtë realizimin e këtij sekuestrimi. Veç transportit dhe nxjerrjes nga liqeni me vështirësi të varkës, policia ka pasur vështirësi në sistemimin e varkës. Kjo, pasi pika e bllokimit të mjeteve motorike dhe lundruese në Lundër është e mbushur dhe është mbi kapacitetet e saj. Po kështu edhe në Komisariatin e Policisë Rrugore nuk ka qenë e mundur, pasi edhe kjo pikë ka qenë e mbingarkuar nga mjetet e ndryshme të bllokuara. Në këto rrethana, blutë e Komisariatit nr.1 kanë vendosur ta lënë përkohësisht në ambientet e tyre varkën e lokalit të tragjedisë së 6 marsit të këtij viti në Tiranë. Varka, e cila shkaktoi tragjedinë në këtë liqen, është sekuestruar nga policia po me urdhër të Prokurorisë tri ditë pas ngjarjes dhe është bllokuar në Lundër. d.b