Fullani: Nuk do ndryshohet norma e interesit

Guvernatori i bankës së Shqipërisë Adrian Fullani tha se këshilli mbikqyrës i bankës ka vendosur të mos lëvizë normën e interesit duke e lënë në 5.75. Në një konferencë për shtyp, Fullani tha gjithashtu që më e keqja e krizës ekonomike ka kaluar dhe se nuk pritet një valë e dytë.
Sipas Fullanit, BSH-ja do të marrë masa për mbajtjen e treguesve ekonomikë në ekuilibër gjatë vitit 2010. Guvernatori tha se objektivi i institucionit që ai drejton për vitin e ardhshëm do të jetë mbajtja e çmimeve në nivel të qendrueshëm dhe eliminimi i luhatjeve të kursit.