Fundi i tunelit

Qendërmbrojtësi francez Philippe Mexes ka thënë se mezi pret arritjen në fund të tunelit pas katër muajve të kaluar jashtë fushës për shkak të lëndimeve.

Përforcimi i ri i Milanit ka pranuar se është i kujdesshëm në rikthimin e tij nga dëmtimi serioz i gjurit që pësoi në prill sa ishte futbollist i Romës.

“E di se nuk mund të ngutem por punoj me stafin mjekësor të Milanit për tu kthyer sa më parë që është e mundur. Ngadalë jam duke kthyer formën. Mendoj se pas dy tre javëve do të shoh fundin e tunelit. Nuk mundem më”, tha Mexes për Milan Channel.