“General Electric”, Ministria padi Spartak Poçit

Kallëzim penal me akuzën shpërdorim detyre, me një faturë dëmi 12.66 milionë dollarë. është kjo arsyeja që Ministri i Punëve Publike dhe Transporteve, Sokol Olldashi ka paditur paraardhësin e tij, Spartak Poçi, lidhur me çështjen "General Elektric". Pranë Prokurorisë është depozituar padia që "fajëson" ish-ministrin Poçi për gjobën që shteti shqiptar duhet t'i paguajë kompanisë amerikane. Vendimi i Gjykatës Ndërkombëtare të Arbitrazhit në Romë, pak kohë më parë vendosi në favor të "General Electric". Sipas Olldashit, një nga provat e veçanta që ka favorizuar kompaninë e huaj në gjyqe ka qenë pjesa e kontratës që kërkonte procedim të menjëhershëm, ndërkohë që nga ana tjetër kjo marrëveshje nuk ka marrë pëlqimin e Kuvendit. Historia me GE filloi në vitin 2003, kur shteti shqiptar lidhi një kontratë për "trenin elektrik", që më pas do vazhdonte me një seri gjyqesh.