Gerrard vuan për titull në Premierligë

Kapiteni i Liverpoolit Steven Gerrard ka pranuar se frikësohet se do të përfundojë karrierën pa fituar titullin e Premierligës. Gerrard është bëtë simbol i Liverpoolit pas debutimit të tij më 1998 dhe konsiderohet si njëri prej mesfushorëve më të mirë të gjeneratës së tij.

Megjithatë, pavarësisht trofeut të Ligës së Kampionëve, dy FA Cup e dy Carling Cup në emër të tij, Premierliga është titulli që vazhdon ti mungojë. Dhe, Gerrard ka pranuar se do të jetë i dëshpëruar nëse nuk arrin të fitojë së paku një titull të ligës para se të përfundon karrierën si futbollist.

“Është diçka që mendoj për të gati çdo ditë. Gjithmonë mendoj për ëndrrën e fitimit të Premierligës, ose dëshpërimin që nuk e kam fituar ende asnjëherë. Kam luajtur në një epokë ku në ligë ishin tri, katër ose pesë ekipe kulmore. Kur Liverpool dominoi në vitet e 70-ta dhe 80-ta, ata ishin aq të mirë sa që nga fillimi i sezonit ishte vetëm një skuadër në garë për titull” tha Gerrard për The Sun.

“Në kohën time, kam luftuar me Manchester Unitedin, Arsenalin, Chelsean e tani Manchester Cityn dhe Tottenhamin. Ato të gjitha janë skuadra fantastike, por kështu është bërë futbolli. Është shumë vështirë të fitohet një garë por ne gjithmonë luftojmë për të” përfundoi ai.