Gianni De Biasi, trajneri i ri i Kombëtares Shqiptare të Futbollit
Tiranë- Trajneri italian Gianni De Biasi është zyrtarisht trajneri i ri i kombëtares shqiptare të futbollit.
Mesohet se De Biasi ka nënshkruar një kontratë 2-vjeçare me Federatën Shqiptare të Futbolli, dhe prezantimi i tij zyrtar do të bëhet me 19 dhjetor 2011.
Gianni De Biasi do jetë i dyti trajner italian që ka pasur ekipi ynë kuq e zi, pas Dosenës. De Biasi ai ka qënë ish-trajneri i Modenas, Breshias, Udinezes dhe Torinos.
Në garë 55-vjeçari De Biasi ka qënë me kolegët e tij italianë Benito Carbone dhe Mario Beretta, të cilët ishin kandidatë për të drejtuar kombëtaren shqiptare të futbollit.
Kështu Gianni De Biasi do të jetë për herë të parë trajner i një ekipi kombëtar dhe si trajner i Kombëtares Shqiptare do ta drejtojë atë gjatë kualifikimit për në botërorin që do të zhvillohet në Brazil në 2014-tën.
Shkrime të tjera me interes: