Gilman Lika drejt Rijekës në Kroaci

 

Skuadra e Rijekës në Kroaci mendohet të jetë destinacioni i Gilman Likës pas Evropa League me kuqeblutë. Pas kalimit të Emiliano Vilës nga Teuta tek Dinamo e Zagrebit, Lika mund të bëhet futbollisti i dytë shqiptar që do kalojë në këtë kampionat. Gjithsesi mësohet se për momentin gjithçka është ende në fazën e diskutimeve paraprake dhe asgjë nuk është vendosur. Mesfushori 22 vjeçar është ende nën kontratë me ekipin turk të Haxhetepes por meqë skuadra e tij ka rënë në kategorinë e dytë, në kontratën e tij ekziston një opsion që ai mund të largohet nga klubi. Vetë lojtari është shprehur se ka dëshirë që të largohet nga Turqia dhe opsioni Kroaci duket mëse i volitshëm për të. Ndërkohë bëhet e ditur se përveç Rijekës, për Likën ka edhe alternativa të tjera. Nga Belgjika ka interesim po ashtu edhe nga Gjermania ndërkohë që nuk përjashtohen edhe pista të tjera.