Gjate vitit 2007-2009, jane kerkuar shkarkime per 12 gjyqtare

Tirane- Ministria e Drejtesise i kerkon KLD-se, shkarkimin nga detyra te tre gjyqtareve te Gjykates se Rrethit Gjyqesor Elbasan; Bujar Musta, Pajtime Fetahu dhe Zihni Shahu. Tre gjyqtaret jane kapur me shkelje ligjore gjate inspektimit, qe jane kryer nga ana e Inspektoratit te Ministrise se Drejtesise. Numri i gjyqtareve per te cilen ka kerkuar ministri i Drejtesise, Enkelejd Alibeaj qe te shkarkohen nga detyra ka arritur ne 13 persona. "Gjate vitit 2005 -2009 me urdher te ministrit te Drejtesise, Drejtoria e Inspektimit te Gjyqesorit ka kryer gjithsej 33 procese inspektimi, ne Gjykatat e Shkalles se Pare dhe ato te Apelit. Nga keto, 28 inspektime jane kryer ne periudhen nentor 2007-prill 2009, nga te cilat 8 kane pasur si objekt inspektimin e veprimtarise se administrates gjyqesore, 20 inspektime ne gjyqesor, tematike ose te pergjithshme, duke respektuar kalendarin e veprimtarise inspektuese te miratuar ne fillim te cdo viti", sqaron Ministria e Drejtesise. Per inspektimet qe jane kryer per periudhen 2007-2009, Ministria e Drejtesise ka derguar kerkesat per procedimin disiplinor per 13 gjyqtare, nga te cilet 5 jane gjyqtare te Gjykates te Apelit Vlore, 3 te Gjykates Ushtarake te Apelit, nje te Gjykates se Rrethit Gjyqesor Mat, dhe se fundmi (derguar gjate ketij muaji) per tre gjyqtare te Gjykates se Rrethit Gjyqesor Elbasan dhe nje te Gjykates se Shkalles se Pare Tirane. Mesohet se per 12 gjyqtaret, eshte propozuar masa e shkarkimit nga detyra dhe per nje prej tyre masa e transferimit ne nje gjykate tjeter, jashte rrethit gjyqesor.

Verifikimet

Nga ana e Drejtorise se Inspektimit Gjyqesor, jane ne perpunim materialet qe kane rezultuar nga kontrollet e ushtruara ne disa Gjykata te Shkalles se Pare dhe te Apelit.

Inspektimet jane bere per vitin 2008-2009 me objekt kontrollin e administrates gjyqesore, kane perfunduar me shkarkimin e kancelareve ne Gjykatat e Rretheve Gjyqesor Korce, Kurbin, Lezhe, Lushnje.

Kerkesat e derguara ne vitin 2008

Vasil Hanxhari, Gjykata e Apelit Vlore

Meme Rexho, Gjykata e Apelit Vlore

Sokol Ngresi, Gjykata e Apelit Vlore

Gjinovefa Gaba, Gjykata e Apelit Vlore

Alaudin Malaj, Gjykata e Apelit Vlore

Ylli Minka, Gjykata Ushtarake e Apelit

Naum Pejo, Gjykata Ushtarake e Apelit

Shaqir Gradica, Gjykata Ushtarake e Apelit

Murat Lleshi, Gjykata e Rrethit Gjyqesor Mat

Kerkesat e derguara kete vit

Bujar Musta, Gjykata e Rrethit Gjyqesor Elbasan

Pajtime Fetahu, Gjykata e Rrethit Gjyqesor Elbasan

Zihni Shahu, Gjykata e Rrethit Gjyqesor Elbasan

Manjola Bejleri, Gjykata e Rrethit Gjyqesor Tirane