Gjermania e Austria hapin kufijte per lindoret

Gjermania dhe Austria do të hapin kufijtë muajin e ardhshëm për punëtorët nga Evropa Lindore që kërkojnë të punojnë në këto dy vende. Deri tani, të dyja vendet kishin zgjedhur të mbronin tregun e punës sa më shumë që mundeshin brenda rregullave të BE-së, mirëpo që nga muaji maj qytetarët nga Republika Çeke, Polonia, Hungaria, Estonia, Lituania, Letonia, Sllovakia dhe Sllovenia do të kenë të drejta të plota për të gjetur punë në Gjermani e Austri pa u kufizuar nga kontratat e gjata apo nga sponsorizimet e detyrueshme.