Gjermania mbështet financiarisht Shqipërinë me 90 milionë euro

Qeveria Federale gjermane ka premtuar se do të mbështesë Shqipërinë në aspektin financiar në shumën 90 milionë euro për vitet 2008-2009. Kjo mbështetje do të jetë në formën e kredive me përqindje. Kështu, rreth 85.75 milionë euro do t'i kalojnë fushës së bashkëpunimit financiar dhe 4.5 milionë euro fushës së bashkëpunimit teknik. Të dyja palët shprehën kënaqësinë e tyre në lidhje me rezultatet e arritura të bashkëpunimit për zhvillim dhe ranë dakord që ta vazhdojnë këtë deri më tani në tre fusha mjaft të rëndësishme si, furnizimi me ujë të pijshëm/kanalizimet dhe menaxhimi i mbetjeve të ngurta, energji si dhe zhvillim i qëndrueshëm i ekonomisë.

Caruana: “Duhet koordinim në garantimin e depozitave”

Kriza financiare që ka prekur disa vende, veçanërisht SHBA-në, ka sjellë edhe efektet e saj në Europë. Për të shmangur një krizë financiare akoma më të madhe, sipas Fondit Monetar Ndërkombëtar duhet që garantimi i depozitave bankare në Evropë të jetë më i koordinuar. "Koordinimi në rang evropian është shumë e rëndësishëm, kështu që efektet e një vendimi të një shteti evropian nuk do të bien mbi shtetet e tjera",- deklaroi në një konferencë shtypi, Jaime Caruana, drejtor i politikave monetare të FMN-së. "Në rrethana të veçanta, ideja për shtimin e garancive të depozitave bankare është një alternativë e mirë për zgjidhjen e të tilla situatave", -u shpreh Caruana.

9 Tetor 2008