Gjermania mposhtë Portugalinë
Në pjesën e parë, gjermanët kanë dominuar plotësisht përballë portugezëve, të cilët u munduan ta rrezikojnë portën e Manuel Neuer nëpërmjet kundërsulmeve.
Të përzgjedhurit e selektorit Joachim Low patën disa raste të mira shënimi por nuk arritën që ta dërgojnë topin në rrjetën e Rui Patricio.
Pavarësisht dominimit, portugezët kishin rastin më të mirë për shënim në minutën e fundit të pjesës së parë, kur mbrojtësi Pepe, me një gjuajtje të fortë, goditi tërthortën e Neuerit.
Edhe pjesën e dytë gjermanët e nisën furishëm duke kërkuar golin e epërsisë. Pas shumë përpjekjeve, gjermanët ia arritën qëllimit kur në minutën e 72’të Mario Gomez realizoi golin e epërsisë 1:0.
Pas golit të pësuar portugezët u vërsulën për ta barazuar rezultatin. Këtë mundësi e kishin në minutën e 88’të kur zëvendësuesi Silvestre Varela nuk arriti të realizojë gol të sigurt, pasi portieri Neuer priti goditjen e tij.
Pas Danimarkës edhe Gjermania me këtë fitore ka bërë një hap të mirë drejtë kualifikimit nga Grupi B.
Grupi B
Holanda - Danimarka 0:1
Gjermania - Portugalia 1:0
Tabela
1.Gjermania 3
2.Danimarka 3
3.Holanda 0
4.Portugalia 0