Gjimnazet e Tiranës mbipopullohen nga mbetësit
Pas përpunimit të rezultateve të semestrit të parë shkollor duket se ky vit shkollor nuk ka qenë ndonjë sukses i madh për gjimnazistët kryeqytetas. Një pjesë e madhe e tyre kanë mbetur në të paktën një lëndë, duke ulur në këtë mënyrë nivelin e përgjithshëm të shkollës në të cilën studiojnë.
Përfaqësues të Drejtorisë Arsimore Rajonale të qytetit të Tiranës janë shprehur me shqetësim për nivelin me të cilin kanë përfunduar semestrin e parë të rinjtë kryeqytetas. Ka shkolla të mira që përpiqen të ruajnë një nivel përfaqësues, por ka të tjera ku gati gjysma e nxënësve janë mbetës në të paktën një lëndë, por edhe në më tepër, pohojnë përfaqësuesit e DAR-it të kryeqytetit.
Në krye të listës së zezë të gjimnazeve me përqindjen më të lartë të ngelësve qëndron shkolla "Arben Broci", e vendosur thuajse në qendër të kryeqytetit dhe ku supozohet një nivel relativisht i kënaqshëm mirëqenieje familjare.
Kështu nga të dhënat e depozituara në Drejtorinë Arsimore Rajonale të qytetit të Tiranës për këtë shkollë bëhet e ditur se kalueshmëria është vetëm 52 për qind. Pra gati gjysma e nxënësve nuk kanë mundur që të marrin nota kaluese në lëndë të ndryshme.
Po kështu edhe gjimnazi "Eqerem Çabej" ka regjistruar një shifër shqetësuese lidhur me ngelshmërinë e nxënësve që studiojnë pranë tij. Vetëm 55 për qind e të rinjve që janë ulur në bankat e kësaj shkolle kanë mundur që të kenë rezultate kaluese, të tjerët janë ngelës në të paktën një lëndë. Ndërsa në gjimnazin "Çajupi", niveli i kalueshmërisë së nxënësve arrin vetëm në 58 për qind.
Nga ana tjetër, shumë mësues pranojnë se interesi i nxënësve të tyre për mësimin është tejet i ulët, në nivele gati problematike. Sipas disa arsimtarëve në shkollat e mesme të kryeqytetit, në një pjesë të madhe të rasteve është vetëm detyrimi i të qenit në mësim dhe rakordimi me prindërit, ajo që i mban shumë të rinj në klasa. Ndërkohë që sërish numri i mungesave është tepër i lartë. Kjo sidomos për orët e para dhe ato të fundit. Edhe pse pas një urdhri të ish-ministrit të Arsimit, Genc Pollo, mësuesit kujdestarë duhet të njoftojnë prindërit përmes mesazheve telefonike në rastet e mungesave të nxënësve, sërish "guximi rinor" duket se ka kapërcyer çdo barrierë.
Përfaqësues të Drejtorisë Arsimore Rajonale të qytetit të Tiranës janë shprehur me shqetësim për nivelin me të cilin kanë përfunduar semestrin e parë të rinjtë kryeqytetas. Ka shkolla të mira që përpiqen të ruajnë një nivel përfaqësues, por ka të tjera ku gati gjysma e nxënësve janë mbetës në të paktën një lëndë, por edhe në më tepër, pohojnë përfaqësuesit e DAR-it të kryeqytetit.
Në krye të listës së zezë të gjimnazeve me përqindjen më të lartë të ngelësve qëndron shkolla "Arben Broci", e vendosur thuajse në qendër të kryeqytetit dhe ku supozohet një nivel relativisht i kënaqshëm mirëqenieje familjare.
Kështu nga të dhënat e depozituara në Drejtorinë Arsimore Rajonale të qytetit të Tiranës për këtë shkollë bëhet e ditur se kalueshmëria është vetëm 52 për qind. Pra gati gjysma e nxënësve nuk kanë mundur që të marrin nota kaluese në lëndë të ndryshme.
Po kështu edhe gjimnazi "Eqerem Çabej" ka regjistruar një shifër shqetësuese lidhur me ngelshmërinë e nxënësve që studiojnë pranë tij. Vetëm 55 për qind e të rinjve që janë ulur në bankat e kësaj shkolle kanë mundur që të kenë rezultate kaluese, të tjerët janë ngelës në të paktën një lëndë. Ndërsa në gjimnazin "Çajupi", niveli i kalueshmërisë së nxënësve arrin vetëm në 58 për qind.
Nga ana tjetër, shumë mësues pranojnë se interesi i nxënësve të tyre për mësimin është tejet i ulët, në nivele gati problematike. Sipas disa arsimtarëve në shkollat e mesme të kryeqytetit, në një pjesë të madhe të rasteve është vetëm detyrimi i të qenit në mësim dhe rakordimi me prindërit, ajo që i mban shumë të rinj në klasa. Ndërkohë që sërish numri i mungesave është tepër i lartë. Kjo sidomos për orët e para dhe ato të fundit. Edhe pse pas një urdhri të ish-ministrit të Arsimit, Genc Pollo, mësuesit kujdestarë duhet të njoftojnë prindërit përmes mesazheve telefonike në rastet e mungesave të nxënësve, sërish "guximi rinor" duket se ka kapërcyer çdo barrierë.