Gjimnazet, nxënësit dynden për regjistrim

Gjimnazet e vendit dynden nga fluksi i nxënësve që kanë përfunduar klasën e nëntë dhe tashmë do i drejtohen bankave të shkollave të mesme. Që në ditët e para të regjistrimeve, nëpër gjimnazet e kryeqytetit ka pasur një numër të konsiderueshem të nxënësve që regjistrohen për klasat e dhjeta. Edhe për këtë vit procedura e regjistrimit përfshin një certifikatë të nxënësve dhe dëftesën e shkollës 9-vjeçare dhe nxënësit duhet të jenë të shoqeruar nga prindërit. Ndërkohë është theksuar se përcaktimi i shkollave do të duhej të ishte në baza territoriale dhe jo preferenciale , megjithatë shumë nxënës dhe prindër kanë preferencat e tyre për shkolla të caktuara .

Regjistrimet e nxënësve nëpër shkollat e mesme kanë filluar me 23 gusht dhe do të përfundojnë një ditë para fillimit të procesit mësimor. Shkollat do të jenë të hapura paradite dhe pasdite.