Gjokutaj: Veprimet e Prokurorise jane jashte afatit ligjor

Avokati i Andi Tomes, Genc Gjokutaj i paraqiti dje Prokurores se Pergjithshme Ina Rama, nje deklarate memorie. Ne kete deklarate Gjokutaj e cileson si te pavlefshme proceduren hetimore te Prokurorise ndaj ish-funksionarit te ministrise se Transporteve, Andi Toma, per shtimin e akuzes "shkelje te barazise ne tendera". Avokati sqaroi se mospjesemarrja e mbrojtjes ne kryerjen e veprimeve proceduriale, te cilat jane jashte afateve hetimore te ceshtjes, qe u nderprene pak dite me pare me vendim te Gjykates se Shkalles se Pare Tirane. "Veprimet e Prokurorise jane jashte afatit ligjor", deklaroi dje avokati Gjokutaj. Nga ana tjeter ai beri me dije se nuk kishte firmosur asnje dokument per njohjen me materialet proceduriale te Prokurorise ne ngarkim te te pandehurit Andi Toma. Jo vetem kaq. Avokati Gjokutaj dje ka dorezuar nje kerkese ne Gjykaten e Apelit per kundershtimin e veprimeve te kryera nga prokuroria e pergjithshme pas vendimit te marre nga ana e Gjykates se Shkalles se Pare, e cila vendosi pushimin e hetimeve per dosjen "Durres-Kukes". Kerkesa pritet te shqyrtohet ne ditet ne vazhdim. Gjate ketij procesi gjykata do te shqyrtoje edhe kerkesen e bere nga ana e Prokurorise per kundershtimin e vendimit te marre nga Gjykata e Tiranes me daten 18 nentor.