Grabitja e "Alfabank", Prokuroria kërkon 14 vite burg
24/03/2005 TIRANË – Vetëm një seancë gjyqësore ka mjaftuar për të deklaruar fajtor dy vëllezërit, Albano dhe Ermal Daja, nga Vlora, për akuzën e vjedhjes me dhunë. Dy të pandehurit kanë zgjedhur rrugën e shkurtër. Janë kapur nga policia me "presh" në dorë dhe para gjykatës u ka mbetur vetëm të pranojnë gjykim të shkurtuar për të përfituar nga ligji. Prokurori i çështjes kërkoi dje dënimin e të pandehurve, përkatësisht për Albano Dajën me 8 vite burg dhe për Ermalin me 6 vite burg. Ka mbetur në kushtet e tentativës grabitja e arkës së "Alfabank", në gusht të vitit 2004, nga dy vëllezërit Daja, nga Vlora. Megjithëse ata arritën të nxirrnin nga banka shumën prej 7 milionë lekësh, nuk mundën t'i përvetësonin, pasi ranë në duart e policisë shumë shpejt. Kërkesa për dënimin e të pandehurve u bë nga prokurori Besnik Muçi. Ndërkohë që seanca gjyqësore drejtohet nga gjyqtari Albert Meçe.
Ngjarja
Më 6 gusht 2004, vëllezërit Daja, nga Vlora, u nisën me mendimin se do të grabisnin shtetasin Elton Guri, arkëtar i shoqërisë "Vodafone", me të cilin donin të hakmerreshin. Grabitja do të kryhej tek "Alfabank", klient i së cilës ishte edhe shoqëria. Sapo hynë në ambientet e bankës, shtetasi Elton Guri u gjend përballë një fakti. I pandehuri Ermal Daja mbante në dorë një pistoletë lodër. Me këtë armë ai i afrohet Gurit, duke i thënë që të linte paratë dhe të largohej, ndryshe do të gjendej në një pozitë të vështirë. Në thes ndodheshin 7 milionë lekë të reja. Por skenari i pregatitur nga dy vëllezërit, duket se nuk vazhdoi gjatë. Ata u diktuan nga roja i bankës, i cili ndërhyri menjëherë dhe arriti të neutralizojë të dy keqbërësit. Ndërkohë të pandehurit, të gjendur përballë faktit të kryer dhe të arrestuar në flagrancë, nuk u mbeti gjë tjetër, vetëm të pranonin akuzën dhe të ngrinin një alibi, e cila do t'i lehtësojë në dhënien e vendimit. Ngjarja ndodhi në një kohë kur policia ishte e përqendruar në shuarjen e një zjarri që përfshiu ambientet e një magazine lëndësh djegëse, përballë "Birra Tirana". Ermali ka shpjeguar se ishte ai që e skenoi dhe më pas tërhoqi vëllain e tij drejt rrugës së krimit. Ai i shpjegoi gjykatës se, që nga Vlora është nisur me mendimin për të kryer një hakmarrje personale. E kishte fjalën për shtetasin Elton Guri.
Ngjarja
Më 6 gusht 2004, vëllezërit Daja, nga Vlora, u nisën me mendimin se do të grabisnin shtetasin Elton Guri, arkëtar i shoqërisë "Vodafone", me të cilin donin të hakmerreshin. Grabitja do të kryhej tek "Alfabank", klient i së cilës ishte edhe shoqëria. Sapo hynë në ambientet e bankës, shtetasi Elton Guri u gjend përballë një fakti. I pandehuri Ermal Daja mbante në dorë një pistoletë lodër. Me këtë armë ai i afrohet Gurit, duke i thënë që të linte paratë dhe të largohej, ndryshe do të gjendej në një pozitë të vështirë. Në thes ndodheshin 7 milionë lekë të reja. Por skenari i pregatitur nga dy vëllezërit, duket se nuk vazhdoi gjatë. Ata u diktuan nga roja i bankës, i cili ndërhyri menjëherë dhe arriti të neutralizojë të dy keqbërësit. Ndërkohë të pandehurit, të gjendur përballë faktit të kryer dhe të arrestuar në flagrancë, nuk u mbeti gjë tjetër, vetëm të pranonin akuzën dhe të ngrinin një alibi, e cila do t'i lehtësojë në dhënien e vendimit. Ngjarja ndodhi në një kohë kur policia ishte e përqendruar në shuarjen e një zjarri që përfshiu ambientet e një magazine lëndësh djegëse, përballë "Birra Tirana". Ermali ka shpjeguar se ishte ai që e skenoi dhe më pas tërhoqi vëllain e tij drejt rrugës së krimit. Ai i shpjegoi gjykatës se, që nga Vlora është nisur me mendimin për të kryer një hakmarrje personale. E kishte fjalën për shtetasin Elton Guri.