Grekët tërheqin depozitat nga bankat

Aksionet e bankave më të mëdha greke humbën gjashtë deri shtatë për qind të vlerës, pasi grekët e pasur kanë tërhequr paratë dhe i kanë investuar në llogari në Qipro dhe Luksemburg.
Kështu shkruan "Financial Times", duke bërë të ditur se "kursimtarët" kanë tërhequr prej katër bankave më të mëdha greke rreth 10 miliardë euro depozit.
Për dy muajt e shkuar nga llogaritë e qytetarëve janë ngritur thuajse pesë për qind e masës së përgjithshme të investimeve të kursyera në Greqi, shkruan gazeta.
"Financial Times" gjithashtu shton se në mesin e grekëve të pasur sundon një histeri, pasi kanë frikë që paratë dhe pasuritë t'i ruajnë në vend.