Greqi, sulmohet konsullata turke
Konsullata e Turqisë në Selanik të Greqisë është sulmuar dje me bombë, sipas njoftimit të policisë greke. Të njëjtat burime pohojnë se nuk ka pasur viktima apo dëme materiale. Qeveria greke përmes një deklarate ka shprehur keqardhjen për incidentin dhe ka premtuar se “do të arrestohen përgjegjësit”. Qeveria turke ka konfirmuar incidentin dhe ka vlerësuar pozitivisht reagimin e qeverisë greke.