Greqia do te rishikoje ligjin per narkotiket

Greqia do te rishikoje ligjin per narkotiket nderkohe qe vazhdon te perballet me sasi te medha te hashashit qe futen nga Shqiperia. Projektligji i paraqitur nga Ministria greke e Drejtesise parashikon denime me te ulta per perdoruesit e lendeve narkotike.

Greqia pritet te rishikoje legjislacionin per mbajtesit dhe perdoruesit e lendeve narkotike  ne perpjekje per te ulur numrin e perdoruesve dhe trafikimin e llojeve te lehta te droges. Ministria greke e Drejtesise ka paraqitur ne Parlamentin grek nje Projektligj te ri i cili parashikon denime me te buta per mbajtesit e lendeve te lehta narkotike  dhe ndaj perdoruesve.

Mjetet greke te informimit citojne burimet zyrtare greke sipas te cilave rreth 300 persona vdesin ne kete vend nga perdorimi i droges. Shifrat e perdoruesve jane vecanerisht te larta ne burgjet greke ku rreth 40 e te burgosurve perdorin lende narkotike. Projektligji i ri  ka ngjallur debate ne opinionin publik grek  pasi parashikon sanksione me te buta edhe ndaj  kultivuesve te llojeve te lehta te narkotikeve. Nderkohe qe vendi po perjeton nje krize te rende ekonomike dhe financiare hapa te tilla priten me skepticizem nga greket e thjeshte.

Nderkohe Greqia vazhdon te perballet me raste te shumta te trafikimit te lendeve narkotike dhe vecanerisht hashashit nga Shqiperia. Si ne kufirin verior grek me Shqiperine edhe ne hapesiren detare policite greke dhe shqiptare  kane bllokuar gjate ketij viti disa qindra kilograme bime narkotike e destinuar kryesisht per tregun turistik grek.  Trafikantet shqiptare perbejne edhe pjesen me te madhe te te burgosurve te denuar per trafik te lendeve narkotike ne Greqi.

Gjykatat greke sidomos ne qytetin verior grek te Janines dhe ate te Korfuzit fqinj me Shqiperine kane aplikuar denime  tejet te ashpra per  transportuesit shqiptare  te lendeve narkotike qe bllokohen ne Greqi. Shumica e tyre jane korriere  ne moshe te mitur qe perdoren nga rrjetet  e fuqishme te trafikut te narkotikeve  qe veprojne ne te dy vendet.