Greva e PS, dërgohet në spital një grevist

Një tjetër grevist i PS-së është dërguar në spital për shkak të gjendjes së tij të rëndë shëndetësore.
Grevisti nga Tirana, Demo Muhaj është transportuar me ambulancë në spitalin infektiv, në pavionin ku transportohen të gjithë grevistët që ndihen keq.
Që nga fillimi i grevës, në spital janë dërguar për mjekim deputetja Klodiana Spahiu, si dhe shtetasit Ramadan çeka nga Elbasani dhe Romeo Sina, nga Vlora.
Në ditën e gjashtë të grevës, deputetë dhe mbështetës të PS-së kanë nisur të shfaqin shqetësime shëndetësore për shkak të mungesës së ushqimit.