Guardiola dhe Benitez, më të mirë se Mourinho

Trajneri i Sevillas, Marcelino Garcia Toral, vlerëson Pep Guardiolan dhe Rafael Benitezin mbi Jose Mourinhon.

Të dy Guardiola dhe Mourinho konsiderohen si dy prej trajnerëve më të mirë në botën e futbollit, edhe pse ka mendime të ndara se cili prej tyre është më i miri.

Por, Marcelino ka përfshirë edhe Benitezin në top-treshe. “Guardiola është njëri prej trajnerëve më të mirë në botë dhe përfundimisht më i miri në La Liga. Po ashtu më pëlqen shumë edhe Benitezi. Mourinho është i jashtëzakonshëm, por sipas mendimit tim, këta të dy janë strategë më të mirë”, tha Marcelino për Europa Press.