Gumi: Të hiqet imuniteti i zyrtarëve dhe gjyqtarëve

E djathta vazhdon të këmbëngulë në kërkesën e saj për heqjen e imunitetit të zyrtarëve të lartë. Deputeti i PD-së, Viktor Gumi, duke u ndalur te çështja e imunitetit të zyrtarëve ftoi opozitën të reflektojë dhe t'i bashkohet nismës së depozituar nga mazhoranca prej disa vitesh në Kuvend. "Projektligji i depozituar në Kuvend është një draft serioz dhe i vlerësuar për çështjen e imunitetit të parlamentarëve në fushën e veprave penale, por ende nuk kemi një përgjigje nga opozita, nëse është dakord për ta miratuar dhe për të dhënë konsensus politik e juridik për të", tha Gumi.