Hajdutët kthejnë sytë nga makinat

Të kujdesesh të kyçësh makinën dhe të mos gjesh as targën. Kështu ka ndodhur me një automjet të tipit furgon, të përfshirë në skenarin e vjedhjes më të fundit në Sarandë. Në shënjestër të grabitësve është vënë ditën e djeshme një tjetër tregtar. Petraq Zguro nuk e ka gjetur mëngjesin e djeshëm automjetin e vet në vendin e parkimit, pranë banesës së tij në Lagjen Nr. 4 të qytetit të Sarandës. Kërkimet që ai ka bërë gjatë gjithë ditës së djeshme kanë qenë pa rezultat dhe kjo e ka bërë atë të denoncojë në komisariatin e policisë. Episodet që ndodhin të paktën çdo dy ditë, kanë tronditur sigurinë e pronës dhe të biznesit në Sarandë.

Tho.Ni.