Hapen portat e TEC-it, përmbytje në Tale

Hapja e portave të Hidrocentralit të Ulzës dhe Shkopetit kanë shkaktuar përmbytje në fshatin Tale të Lezhës.
Për pasojë dhjetra shtëpi në këtë fshat janë gjendur nën pushtetin e ujit.

Në disa zona, niveli i ujit arrin në rreth 1 metër. Më të rrezikuar nga situata janë banorët e zonës afër plazhit, pasi prurjet e ujit kanë shembur dy argjinatura pranë hidrovorit. Qindra hektarë tokë janë nën pushtetin e ujit.

Ndërkaq, gjatë ditës së hënë në Tale ka munguar dhe energjia elektrike, duke nxjerrë jashtë funksionimi hidrovorin. Vështirësi është hasur në lëvizjen e mjeteve dhe banorëve brenda për brenda fshatit, tashmë nën ujë.
Ndërkaq, në Tale, kanë mbërritur, forca të shumta policie, zjarrfikësisht. Në Tale kanë mbërritur dhe forcat e emergjencës civile dhe drejtues vendorë.
Megjithë masat e marra situata vazhdon të mbetet kritike. Probleme të ngjashme po hasen edhe në disa zona të Shkodrës, por ndryshe nga Lezhë, atje nuk ka shtëpi të përmbytura.