Harasani: Do paraqesim platforme alternative ne Kongres Qamil Xhani

Deputetet qe perfaqesojne Levizjen per Mendimin Ndryshe ne Partine Socialiste, do te prezantohen me nje platforme ne kongresin e se shtunes. Sekretari per programin, Andis Harasani, thote se do te jete nje platforme konkrete qe do te kete dhe nje kosto financiare te realizimit te pretimeve te PS-se. Ai thote se shqetesimet dhe problemet qe jane ngritur gjate kesaj kohe, per funksionimin e opozites dhe menyren sesi do te qeveriset ne rast te fitimit te zgjedhjeve, do te behen publike ne forumin me te madh socialist. "Ne kemi nje platforme tonen, te cilen jemi duke e punuar dhe do t'ua paraqesim te gjithe kolegeve, jo 20 minuta para kongresit, por do t'u leme kohe qe ta analizojne dhe pastaj, besoj se do te kemi nje bashkim te dy dokumenteve. Do te kemi nje dokument shume serioz, te shoqeruar me fature financiare dhe me shpjegime te detajuara se cfare duhet bere ndryshe",- tha dje per mediat, Harasani. Ai thekson se beteja per modernizmin e partise eshte afatgjate dhe kerkon bashkepunimin e te gjitheve. "Me kenaqesi kam vene re se shume prej mendimeve tona jane marre parasysh, por persosmeria eshte nje proces. Ne e shikojme kete si nje beteje afatgjate per demokratizimin e partise",- tha Harasani. Ai ka komentuar per mediat edhe programin politik te prezantuar nga kreu i PS-se, Edi Rama, ne mbledhjen e Asamblese Kombetare. Sipas tij, programi dhe premtimet duhet te shoqerohen me nje fature financiare. "Programi eshte nje perpjekje shume serioze dhe shpreh deshirat qe ne, si force politike serioze, kemi. Por, sigurisht duhen dhe menyrat sesi do te organizohen keto deshira, me faturen financiare perkatese",- shprehet ai. Nga ana tjeter, Harsani komenton dhe debatin per ndryshimet ne statut dhe perjashtimin e atyre qe shkelin rregulloren. Sipas tij, zbatimi i rregullores duhet te nise me pare nga kreu i PS-se, Edi Rama, i cili nuk ka respektuar forumet. "Per statutin nuk kam per te thene asgje me shume sesa tha profesor Servet Pellumbi, duhet te kete penalizime per ata qe thyejne rregullat, per ata qe, dhe fatkeqesisht, kjo duhet te nis me kryetarin e Partise, i cili ka dy vjet qe shkel statutin, duke mos ftuar sekretaret ne mbledhje, duke mos respektuar mbledhjet e Asamblese",- tha Harasani.