METE gjobit serish CEZ me 500 mije euro Sonila Isaku
Ministria e Ekonomise ka gjobitur per here te dyte brenda nje kohe te shkurter kompanine ceke, "CEZ Shperndarje". Kesaj radhe gjoba arrin ne 500 mije euro. Sipas nje njoftimi per shtyp te ministrise kjo gjobe erdhi pas ankesave te shumta te qytetareve per menyren abuzive te vendosjes se sahateve ne familjet shqiptare. "Drejtoria e metrologjise ka konstatuar se matesit e vendosur nga kjo kompani nuk jane verifikuar apo kolauduar perpara se te vihen ne perdorim. Ministria paralajmeron se masa te reja mund te merren ndaj kompanise nese ajo nuk zbaton ligjin" thuhet ne njoftimin zyrtar te METE. Nderkohe ne zyrat e CEZ-it kompanie me mijera qytetare kerkojne zgjidhjen e problemeve kryesisht me mbifaturim ose me pagesa te vendosura ne kohen kur shtepite kane qene te pabanuara. Keto probleme kane bere qe ministria te gjobise edhe pak dite me pare "CEZ" me 30 milion leke te rinj per shkak te abuzimeve te konstatuara. Por Operatori i Shperndarjes se Energjise reagon duke thene se prej kohesh jane ne faze diskutimesh me drejtorine e metrologjise per zgjidhjen e problemeve te konstatuara. Sipas tyre gjoba eshte e pabazuar per aq kohe sa kompania eshte ne proces gjyqesor per kontraten e miratuar nga Enti Rregullator, per zgjidhjen e ketij problemi. Nderkohe persa i perket gjobes se pare edhe kjo eshte vendosur per matesit, pasi CEZ Shperndaje, ka kryer vendosjen e sahateve dhe te futjes se tyre ne menyre te paverifikuar perpara perdorimit dhe moszbatimit te ligjit per bashkevulosjen e morseterise se aparatit mates. Duke pasur nje fluks te madh ankesash edhe ne adrese te METE-s, nje muaj me pare ky insitutcion ka zhvilluar edhe disa mbledhje te Komisionit te Mbrojtjes se Konsumatorit. Ankesat dhe problematika e ngritur nga ana e konsumatoreve konsistonin mbi mosdorezimin e faturave te energjise ne vendbanimet e konsumatoreve, vendosjen e zerit "vlere e debise" ne faturat e energjise, mungesen e furnizimit me energji elektrike, vendosjen afrofe ne shuma te konsiderueshme ne faturat e energjise si dhe mosinformimin e konsumatoreve ne lidhje me ndryshimin e vendodhjes se sporteleve te pagesave te energjise elektrike, duke shkaktuar detyrimin per pagesen e kamatvonesave.