Henry: Gjithmonë është mirë të mposhtet Reali

Sulmuesi francez Thierry Henry thotë se Real Madrid e kishte detyruar Barcelonën të luftojë deri në fund për fitoren e mbrëmshme prej 2-0 në Nou Camp. "Real Madrid ishte shumë i fokusuar. Ne nuk e pritëm këtë përgjigje defansive, ata të gjithë qëndronin në mbrojtje dhe bënin kërcënime me anë të kundërsulmeve", ka thënë Henry. "Që nga fillimi e dinim se duhet të kishim respekt për Madridin, ata erdhën për t'u mbrojtur dhe e bënë këtë shumë mirë në pjesën e dytë. Ne jemi të gjithë të lumtur. Ato janë vetëm tri pikë, por fitorja do të thotë më shumë kur vjen kundër Madridit".
"Dymbëdhjetë pikë janë një diferencë e madhe, por ka edhe shumë ndeshje të mbetura. Duhet të kënaqemi me këtë dhe të shohim çfarë mund të bëjnë në fushë të Villarrealit", ka përfunduar francezi.