"Heshtja per 11 majin hap shtegun e ndarjes"

"Nese Kosova hesht me 11 maj, hapet shtegu per kantonizimin ose ndarjen e Kosoves". Ky eshte konstatimi qe ve ne dukje udheheqesi i Levizjes "Vetevendosje", Albin Kurti. Ne nje interviste per radion Evropa e Lire, Kurti publikoi se me 9 maj, do te zhvillohet nje demonstrate kunder zgjedhjeve te Serbise. "Nese keto zgjedhje mbahen ne 23 komuna te Kosoves, do te sjellin cungim flagrant te sovranitetit dhe integritetit territorial". Per Kurtin, "ne kete menyre, praktikisht, Serbia po nderton nje Serbi te vogel perbrenda Kosoves, e cila ngadale, por e sigurt, po shnderrohet ne nje republike te re serbe ne Kosove, e ngjashme me ate ne Bosnje". Kreu i "Vetevendosjes" vlereson se "Qeveria e Kosoves po mjaftohet me deklarata te ndryshme, me kundershtime verbale, por qendrimet e saj nuk po pasohen me kurrfare veprimesh ose vendimesh per ta penguar Serbine dhe ndermarrjen e saj kriminale brenda ne Kosove". Kurti ka folur dhe per pavaresine "reale" te shtetit me te ri te botes. "Zgjidhja per Kosoven eshte vullneti dhe interesi i ketij populli, e kjo eshte nje Republike e Kosoves, e pavarur dhe sovrane, sikurse vendet tjera te zhvilluara, e jo keshtu me sundime te ndryshme nderkombetare, jo transparente, qe nuk na japin llogari dhe te cilat vetem se shkaktojne renie ekonomike dhe per me teper e kantonizojne perbrenda Kosoven, ashtu sic kane bere me heret me Bosnjen", deklaroi Kurti, duke perfunduar: "Pra, nuk mjafton te quhesh shtet i pavarur dhe sovran, por duhet te behesh i tille. Kete nuk ta ben dikush tjeter, por duhet ta besh vete".