Hiddink mohon transferimin e Rooneyt
Trajneri i Anzhi Makhachkala, Guus Hiddink ka mohuar spekulimet rreth transferimit të sulmuesit të Manchester Unitedit, Wayne Rooney.
Lideri i Kampionatit rus, i përkrahur nga miliarderi Suleyman Kerimov synon të ndërtojë një skuadër të fuqishme në gjendje për të luftuar për tituj të rëndësishëm. Rooney është përmendur si objektiv i Anzhit por Hiddink ka mohuar ardhjen e mundshme të yllit anglez në klubin nga Dagestani.
“Rooney është futbollist i madh, pa dyshim një prej sulmuesve më të mirë në botë. Por, për aq sa di unë, ai nuk do të vjen në Anzhi. Janë vetëm spekulime”, deklaroi Hiddink për mediet angleze.