Hitzfild: Gati të përballemi me kampionët

Zvicra do të debutojë kundër kampionëve të Europës, Spanjës në Botërorin e Afrikës së Jugut ndërsa trajneri Ottmar Hitzfild ka bërë të ditur se skuadra është stërvitur nën zhurmën e vuvuzelave në mënyrë që të mësohet me to dhe të jetë e gatshme t'i përballojë gjatë ndeshjes. Trajneri i helveteve në konferencën për shtyp ka deklaruar . "Jemi mësuar me këtë zhurmë, por sërish do të jetë e vështirë të komunikosh me futbollistët në një stadium me rreth 63 mijë tifozë. Ndeshja do të zhvillohet në Durban dhe është ndeshja e dytë e grupit H.Do të jetë shumë e vështirë për të komunikuar me lojtarët, por ne jemi gati për të përballuar Kampionët e Europës", është shprehur ai.
Në këtë ndeshje do të mungojnë kapiteni i skuadrës Aleksandër Frai dhe kosovari Valon Behrami ndërsa Hitzfild dy herë fituesi i Champions League me Borusian e Dortmundit dhe Bayernin ka bërë të ditur se shiritin e kapitenit do ta mbajtë Inler.
Zvicra nuk e ka mposhtur Spanjën në 18 tentativa ndërsa Hitzfeld ka bërë të ditur se trajneri Del Boske është i bekuar pasi ka ndoshta skuadrën e shekullit me shumë talente të pabesueshme."Ne do të kërkojë ma mposhtim Spanjën pas shumë tentativave pse jo një gjëje tillë mund të ndodhë sot", ka përfunduar ai.