Hleb, një vit në Wolfsburg
Nga Express më 31 gusht 2011 në ora 15:26
Alexander Hleb i është bashkuar Wolfsburgut në formë huazimi për një vit nga Barcelona, njoftojnë mediat spanjolle. 30 vjeçari është në vitin e fundit të kontratës me ekipin nga Nou Camp, ndërsa do ta kalojë atë tek klubi gjerman, i cili udhëhiqet nga trajneri Felix Magath.
Ky i fundit kishte punuar me futbollistin bjellorus në Stuttgart, në periudhën 2001-04. Hleb dështoi ta bindte trajnerin Pep Guardiola tek Barça.
Ai u huazua në Stuttgart dhe më pas në Birmingham, kurse tash kthehet prapë në futbollin gjerman. Sezonin që shkoi, Hleb ka zhvilluar 19 ndeshje në Premierligë.