Poulsen përfundon në Francë
Nga Express më 31 gusht 2011 në ora 15:31
Liverpool ka arritur marrëveshje me klubin francez Evian TG, për shitjen e mesfushorit Christian Poulsen, në ditën e fundit të afatit kalimtar të verës.
Vlera e transferit të futbollistit danez nuk është bërë e ditur, por largimi i ish futbollistit të Sevillës e Juventusit ishte i pashmangshëm, pasi që ai nuk bënte pjesë në planet e menaxherit Kenny Daglish.
31 vjeçari ishte blerë nga Juventusi për 6 milionë euro, verën e kaluar, por ai hasi në vështirësi të përshtatej në futbollin anglez. Për Poulsenin, interesim kishte shfaqur edhe Espanyoli, por ai vendosi t’i bashkohej debutuesit të Ligue 1.