Horge Lorenco, fitore dhe rekord
Spanjolli Horge Lorenco ka fituar dje garën e tij të parë në Moto GP, duke triumfuar në pistën e Estorilit. Spanjolli debutues me Jamahan ka treguar se në këtë sezon do të jetë në luftë për vendet e para në renditje, pasi ka arritur të kalojë me mjeshtëri si Valentino Rosin, ashtu edhe Dani Pedrozën. Një sukses i merituar për 21-vjeçarin, i cili bëhet piloti më i ri, që në vitin e debutimit arrin të sigurojë podiumin në tri garat e para të sezonit, duke thyer me vetëm një ditë rekordin e vendosur nga "armiku" i tij, Dani Pedroza.
Spektakli fillon që në start, kur Valentino Rosi arrin të kalojë Dani Pedrozën dhe vihet në ndjekje të Lorencos. "Doktori" parakalon spanjollin dhe kërkon të shkëputet nga ndjekësit e tij. Me grupin e kryesuesve bashkohet edhe Andrea Doviciozo, falë një starti mjaft të mirë, ndërsa mungon në "apel" kampioni Keisi Stoner. Australiani mbetet në vendin e nëntë pas xhiros së parë, ndërsa më pas humb edhe tri pozicione, për shkak të një pjese të kamerës që shkëputet dhe "valëvitet" në anën e majtë të motorit të tij. Ndërkohë, në kreun e garës, Lorenco dhe Pedroza fillojnë një betejë të ashpër pas krahëve të Rosit. Fitues rezulton debutuesi i Jamahas, i cili merr vendin e dytë dhe më pas parakalon Rosin me një manovër spektakolare në kthesën dyshe. Piloti italian duhet të dorëzojë vendin e dytë pas pak xhirosh, pasi gomat e tij Brixhston shfaqin probleme dhe Pedroza është i vetmi që vihet në ndjekje të Lorencos. Në xhiron e 16-të, Doviciozo gabon në kthesë, duke dalë jashtë piste dhe duke shuar shanset për të arritur një pozicion të rëndësishëm në këtë garë. Në vendin e katërt ngjitet Niki Hejden, por edhe amerikani nuk e ka të gjatë dhe rrëzohet vetëm një xhiro pas Doviciozos, duke e lënë këtë pozicion për Kolin Eduards. Në kreun e garës është Lorenco, që vazhdon të kontrollojë qetësisht, ndërsa Pedroza nuk arrin të ngushtojë diferencën prej 1.5 sekondash me bashkatdhetarin e tij, me Rosin që është përfundimisht në vendin e tretë, duke u munduar të çojë motorin deri në vijën e finishit. Ndërkohë, Stoner arrin të rifitojë terrenin e humbur, duke u ngjitur deri në vendin e gjashtë, pas disa parakalimesh spektakolare. Pilotët nuk ndryshojnë më pozicione dhe Horge Lorenco pret i qetë vijën e finishit, duke siguruar një sukses shumë të rëndësishëm, të parin në karrierë në kategorinë Moto GP. Pas tij renditet Dani Pedroza, ndërsa Rosi merr vendin e tretë, i ndjekur nga Kolin Eduards dhe Xhon Hopkins. Në klasifikimin e përgjithshëm, Lorenco dhe Pedroza kryesojnë së bashku me 61 pikë, duke treguar se mund të jenë ata pretendentët kryesorë për titullin në këtë edicion.
Spektakli fillon që në start, kur Valentino Rosi arrin të kalojë Dani Pedrozën dhe vihet në ndjekje të Lorencos. "Doktori" parakalon spanjollin dhe kërkon të shkëputet nga ndjekësit e tij. Me grupin e kryesuesve bashkohet edhe Andrea Doviciozo, falë një starti mjaft të mirë, ndërsa mungon në "apel" kampioni Keisi Stoner. Australiani mbetet në vendin e nëntë pas xhiros së parë, ndërsa më pas humb edhe tri pozicione, për shkak të një pjese të kamerës që shkëputet dhe "valëvitet" në anën e majtë të motorit të tij. Ndërkohë, në kreun e garës, Lorenco dhe Pedroza fillojnë një betejë të ashpër pas krahëve të Rosit. Fitues rezulton debutuesi i Jamahas, i cili merr vendin e dytë dhe më pas parakalon Rosin me një manovër spektakolare në kthesën dyshe. Piloti italian duhet të dorëzojë vendin e dytë pas pak xhirosh, pasi gomat e tij Brixhston shfaqin probleme dhe Pedroza është i vetmi që vihet në ndjekje të Lorencos. Në xhiron e 16-të, Doviciozo gabon në kthesë, duke dalë jashtë piste dhe duke shuar shanset për të arritur një pozicion të rëndësishëm në këtë garë. Në vendin e katërt ngjitet Niki Hejden, por edhe amerikani nuk e ka të gjatë dhe rrëzohet vetëm një xhiro pas Doviciozos, duke e lënë këtë pozicion për Kolin Eduards. Në kreun e garës është Lorenco, që vazhdon të kontrollojë qetësisht, ndërsa Pedroza nuk arrin të ngushtojë diferencën prej 1.5 sekondash me bashkatdhetarin e tij, me Rosin që është përfundimisht në vendin e tretë, duke u munduar të çojë motorin deri në vijën e finishit. Ndërkohë, Stoner arrin të rifitojë terrenin e humbur, duke u ngjitur deri në vendin e gjashtë, pas disa parakalimesh spektakolare. Pilotët nuk ndryshojnë më pozicione dhe Horge Lorenco pret i qetë vijën e finishit, duke siguruar një sukses shumë të rëndësishëm, të parin në karrierë në kategorinë Moto GP. Pas tij renditet Dani Pedroza, ndërsa Rosi merr vendin e tretë, i ndjekur nga Kolin Eduards dhe Xhon Hopkins. Në klasifikimin e përgjithshëm, Lorenco dhe Pedroza kryesojnë së bashku me 61 pikë, duke treguar se mund të jenë ata pretendentët kryesorë për titullin në këtë edicion.