Hyn në fuqi ligji për dëmshpërblimin e ish-të përndjekurve politikë
Presidenti i Republikës, Bamir Topi, ka dekretuar dje ligjin për dëmshpërblimin e ish-të përndjekurve politikë. Ky ligj u miratua vetëm me votat e maxhorancës pak kohë më parë në Kuvend dhe synon zgjatjen e afatit të dëmshpërblimit deri më 1 korrik të këtij viti. Po kështu ky ligj parashikon edhe zgjerimin e kategorive që përfitojnë dëmshpërblim. Përveç familjarëve, bashkëshortes dhe fëmijëve, nga ky projektligj përfitojnë dëmshpërblim motrat, vëllezërit, nipërit dhe mbesat e ish-të dënuarit politik, në rastet kur ky i fundit nuk ka qenë i martuar.
Gjatë ditës së djeshme Presidenti Topi ka dekretuar dhe disa ligje të tjera siç janë: “Për një ndryshim dhe një shtesë në Ligjin nr. 9228, datë 29.04.2004 ‘Për kontabilitetin dhe pasqyrat financiare’, të ndryshuar dhe ‘Për administratën detare të Republikës së Shqipëris뒔.
18 Prill 2009